"ع الطاير"

      "ع الطاير" تعبير في العامية المصرية لما اللعيب ياخد الكورة على طول من غير ما يوقفها و يشوط ع الجون، ومن معانيها أيضاً في العامية السرعة؛ لما تلاقي واحد بيكلم حد ويقوله "ع الطاير" يعني بسرعة .

      وبمناسبة كاس العالم في ألمانيا اللي شغال ليل نهار، طقت في دماغنا فكرة العمل ده، نقدم فيه شوية فكر وثقافة عربية ألمانية، لن نقدم حصراً إنما إطلالة سريعة، أو "ع الطاير" بس في التلات خشبات يعني في الجون، وبصراحة انتم اللي تحكموا إن كانت في الجون و لا لأ .

       وعلى الرغم من الجهد المبذول في هذا العمل إلا أنه لا يمكننا أن ندعي أن هذا الموقع عمل ببليوجرافي حقيقي؛ لأننا قد تخففنا أثناء إعداده من معايير إن لم تتوافر في العمل الببليوجرافي كان من السهل جرحه.

      وبعيد عن الساحرة المستديرة اللي جننت الخلق، وعن خضار الملاعب اللي تشرح القلب ، نبص شوية على مستديرة تانية فوق كتافنا مش تحت رجلينا، ونقول واحنا بنطلع العمل ده...

 خضار العقول يخلق براح

وفوق الكتف مستديرة

خطيرة

منيرة

حسب الأصول لو تسير

 تفك حبسة

تطلق سراح

ببليوعرب